четверг, 1 декабря 2011 г.

Кузебай Гердлэн берпум осконэз

4-тӥ декабре 1922-тӥ арын Кузебай Герд Хельсинкиысь финно-угор бӧляке пыртон сярысь заявление гожтэ (удмурт но ӟуч кылын). Тодӥз-а меда со, маин со берытскоз солы? Оскисько, СОФИН уж сярысь ваньдылэн кылэмды вань.

Нош берытскиз со Гердлы но Борисовлы тани маин (оглюкетэз гинэ):
"Лидеры удмуртского национализма - кадет МИХЕЕВ и эсер ЯКОВЛЕВ (бывш. редактор право-эсеровской Удмуртской газеты в Елабуге"), примыкают вместе со своими единомышленниками к Колчаку, а писатель ГЕРД  примыкает к "национал-демократической" группировке, маневри-рующей в сторону Соввласти и возглавляемой в этот период членом партии БОРИСОВЫМ, рассматривающим свое пребывание в рядах партии, как способ зашифровки своих действи-тельных национал-шовинистических планов". (Том I-й, д/д. 13, 14).

Пытсэс улэ шедьыса, кылбурчи, тодосчи, этнограф осконзэ уг ышты.  Гожтэтаз, кудзэ со ыстэ Иосиф Наговицынлы, К. Герд ачиз понна уг куры, удмурт калык но удмурт кыл сярысь гожтэм ужъёсыз понна сюлмаське. 

Сётӥсько расшифровказэ:
23 октября 1934 г.
о. Соловки
Глубокоуважаемый Иосиф Алексеевич!
Надеюсь, это письмо Вы не сочтете актом, унижающим Вас. Пишу, чтобы напомнить Вам о своем существовании. Здоровье мое довольно ухудшилось и я крайне обеспокоен тем, что мой рукописный архив громадных собраний удмуртских песен, загадок, сказок, моих ненапечатанных произведений и т. д. погибнет бесполезно, т. к. возможно моя жена в силу отъезда из Ижевска, весь мой архив, обременяющий ее, оставила где-нибудь на произвол судьбы. Я обращаюсь к Вам с просьбой: не сможете ли вы принять какие-либо меры, чтобы этот архив и ценная библиотека о вотяках каким-нибудь образом была спасена и хотя бы передана куда-нибудь в научное учреждение. Кроме того, у меня у Московских знакомых остался архив фонографических записей удмуртских песен, мелодий на 300-ах валиках. Всем этим я просил бы Вас содействовать сохранению собранного мною материала, т. к. он ценен. Заниматься творческой литературной работой я лишен возможности из-за здоровья. Считал бы величайшим счастьем, если бы смог увидеться лично с Вами и объясниться по ряду вопросов, хотя бы в течении нескольких минут. Надеюсь, Вы не откажете в моих просьбах. До боли жаль, что я оторван от своей любимой педагогической и литературной работы. 
С уважением, К. Герд
Адрес: г. Кемь. Мурманский ж/д Карельской АССР. о. Соловки.
III труд/колония. Кузьма Павлович Герд


Ваньмыз берытскиз Кузебай Гердлы таин:











среда, 30 ноября 2011 г.

Трокайлы - 120 ар!

Таяз бамын ми тросгес вераськиськом Ижкар сярысь кадь, солэн синпельметъёсыз сярысь. Но туннэ гожтэммы потэ Трокай Борисов сярысь. Нимысьтыз бам но солы кылдытӥм. Пыралэ отчы, тодматске Трокаен.

Нош али... эксклюзив!

Трокай Борисовлэн берпуметӥ туспуктэмез, кудзэ со ыстэ Нина нылызлы. Нош туспуктэмезлэн мукет палаз - Трокайлэн гожтэмез...



(Туспуктэмъёс басьтэмын Удмурт Элькунысь Кузебай Герд нимо Йӧскалык музейысь)


Нош та ӵапак со Нина нылыз:



Гажано эшъёс! 
Удмурт тодосчиослэн верамзыя, туала вакытэ улэпесь на Трокай Борисовлэн гожтэтъёсыз, кудъёссэ со тюрьмаысь ыстылӥз агаезлы. Мускоын улӥсь Борисовлэн ӵыжы-выжыосыз кагазъёсты келязы Петр Кириллович Поздеевлы. Али со гожтэтъёс кузпалыз Евгения Ивановна Поздеева киын. Нош со соосты уг сёты. Марлы меда? Кызьы соосты утёно?

Трокай Борисовлэн нимыз вунэтэмын ӧвӧл. Солы ми туж шумпотӥськом.


Кемалась ик ӧз ортчы Удмурт Кенешлэн 20 ар тырмонэзлы сӥзем ужрад. Отын 15 йӧно удмуртъёслы кузьмамын вал Трокай Борисовлэн медалез. Медалез юнматӥз Йӧскалык политикая министерство (пыр-почгес). Медальлэн авторез – Юрий Лобанов.  

ТАНИ СООС - МЕДАЛЕЗ БАСЬТӤСЬЁС:










Звёздочка пуны-космонавтлы синпельмет



Ижкарын Молодежной ульчаын 25-тӥ южтолэзе 2006-тӥ арын усьтэмын вал пуны-космонавтлы Звёздочкалы синпельмет. Авторез ­– ижкар скульптор Павел Медведев. Cкульптура ӝыны метръем, лэсьтэмын кортлэсь. Синпельметын гожтэмын нимъёс, кинъёс инсьӧре сюрес усьтӥзы. («Список Звёздочки» из 50 фамилий). Текст сётэмын Брайлен азбукаеныз (синтэмъёслы лыдӟымон). 
Нош малы меда та пунылы Ижкарын синпельмет пуктэмын? Валэктонэз туж тунсыко! Звёздочка - со берлоез инсьӧре лобам пуны. Капсула, кытын пуке вал пуны-космонавт, Перм улосысь пичи гинэ гурт доры музъем вылэ ваське. Но сое ӵапак Иже, вуж аэропорт улосвылэ ваё та пуныез! Татысен гинэ капсулаез усьто но Звёздочкаез Муское лэзё. 
Тунсыко фактъёс:
1. Пунылэн нырысетӥ нимыз "Удача" вал. Ачиз Юрий Гагарин сое "Звездочка" шуыса нима. 
2. Звездочкаен ӵош музъем вылэ васькиз манекен. Гуртысь адямиос сое Америкаысь шпион кожаллям, нош матэгес вуыкузы лыдӟиллям "Манекен" кылэз. Со манекенлэн нимыз Иван Иваныч вылэм. Солэн кияз вурэмын вал адями вирен пичи гинэ капсула. Тодосчиослы эскероно вал, кызьы инсьӧрын ассэ адями вир возе. 
3. 25-тӥ мартэ 1961-тӥ арын Ю.Гагарин но кытчы ке но Мускоысь кошкылӥзы. Оло соос Ижкаре вуылӥзы?
4. Перестройка дыръя та капсулы кызьы ке но Америкае вуэм... Но 2011 арын ӟуч ужбергатӥсь аукционын та капсулаез басьтӥз но Россиысь музейе сётӥз. Кудаз музее?

Койыклы синпелет



     Ижкарлэсь кыдёкын ӧвӧл, Якшур-Бодья трактлэн 7 километраз сылэ пужейлы памятник. Ӝуждалаез 3 метр пала, лэсьтэмын  бетонлэсь. Шутэтскон нуналъёсы тужгес но та памятникез ярато егит кузпалъёс. Соослэн чакламзыя, кӧня сяська бичет октӥз пужей ас сюръёс вылаз, сомында ик выль семьяос кылдозы Ижкарын. Озьы ик, выль кузпал зыртэ ке сяcьказэ сюр вылэ, со весяклы уте ассэ кышноезлэн «сюръёсызлэсь».
     Пужей йӧскалык пӧйшур лыдъяське, соин шуыса но, дыр, таӵе синпелет пуктэмын. Вань на чакланзы машинаен ветлӥсьёслэн но, соос шуо: Татарстанэтӥ мыныкуд кышка гаишникъёслэсь, Удмурт шаеретӥ койыкъёслэсь, малы ке шуоно, соос татын зэмзэ но трос.


Нош дунне вылын койыклы туж трос синпелетъёс!(пыр-почгес)                                                                                                                                

Кечтакалы синпелет


Тумошо кечтакалы синпелет  усьтэмын вал 9-тӥ инвожое 2006-тӥ арын. Синпелет  «Кызьпу арама » паркын интыяськемын. Кылдытӥсьёсыз луо: Александр Суворов но Дмитрий Постников.
Синпелет Ижкарлэн историеныз герӟаськемын. Сю ар талэсь азьло со парк ужась калыклэн шутэтскон интыез вылэм.  Бӧрысь синпелет котырын коркаос пуктылыны ӧдъяллям, нош  улӥсьёс отын кечтакаоссэс  возьманы кутскиллям. Соин сое нимазы Кечтака парк шуыса. Адямиослэн йыразы таӵе малпан кылдэм: «Нош кин утялтылӥськоз со паркын?». Соку малпамын вал жуг-жаг  металлоломлэсь  Кечтакалы синпелет лэсьтыны .
Калыкын верало: куинь пол Кечтакаез маялтӥд ке,  собере сюраз йӧтскылӥд ке - семьяяд умой улон луоз.
Дуннеысь синпелетъёс:
"Ну, кечлы ӧвӧл, дыр, синпелет дунне вылын!". 
Эх! Вань вылэм...
Нижний Новгородын кечлы синпелет





Урюпинскын кечлы синпелет

Монумент « Калыкъёслэн эшъяськемзы» яке «Кулаковалэн куасъёсыз»


     Монументэз лэсьтон бордын ужаны кутскизы 1970-тӥ арысен, нош сое лэсьтон малпан азьлогез кылдӥз ни, 1958-тӥ арын. Монумент усьтӥськиз 1972 арын, Удмуртиысь калыкъёслэн  эшъяськемзылэн символ луыса. Ӝуждалаез - 46 метр, 14 этажъем коркаос кадь. Та колоннаос удмурт но ӟуч калыкез возьмато. Соос но куспазы умой уло шуыса. Монумент  усьтэм книгалы кельше,  соин ик калык ачиз мае ке но вера кадь аслаз историез сярысь. Кык бадӟым  колоннаос вискын , кудъёсыз возьмато Россиез но Удмуртиез, куинь суред интыямын: "Уж", "Дунне", "Эшъяськон".
    Туж тунсыко,  Ижкарын улӥсьёслэн вӧлмемын та памятниклэн  мукет нимыз  – «Кулаковалэн куасъёсыз». Малы ке шуоно, та монумент куасъёслы кельше. Нош Удмуртиын  куасъёс  туж герӟаськемын Галина Кулаковалэн нимыныз.
     Монументлэн ужан бордын рос-прос ужаз быдэс коллектив. Валтӥсь малпанэз вал А.Н.Бургановлэн. Со ик кылдытӥз рельефъёсыз монумент вылын. Композицизэ малпаз архитектор Р.К.Топуридзе. Азьло ик конструктирование бордын ужазы Ижысь суредаськисьёс  П.С.Семёнов, С.К.Кузьмин, В.А.Табах. Монумент туж ӟеч кылдэмын. Со азьло но туала Набережнойлэн сюлэмыз луэ.
     Иж прудысен ке учконо, суредъёсыз  эскерыны луэ уж  но эшъяськон ласянь. Таиз луэ нырысети: экспозиция. Кыкетӥ композициез, адзыны луэ солдатэз. Со аспӧртэмлыко огъя образэз  луэ  ӟуч но удмурт солдатлэн аслэсьтыз шаерзэ данъян, возьман, Граждан но Быдӟым Отечественной ожъёс дыръя аслэтыз  утён.  
     2008 арын памятникез выльдӥзы. 

Пельняньлы синпелет

Зэм, ми удмурт студентъёс тросэз гуртысь потылэмын но дышетскыны Ижкаре вуэмын. Мурт-а вал милемлы Ижкар? Конечно, мурт! Гажано эшъёс, дыр ортчыса ми валам, татын но астэ гуртын кадь шӧдыны луэ. Ижкарын но вань сюлэмез шунтӥсь интыос, синпельметъёс. 

      Малпаськом, ваньдылэн пельнянь сиемды вань?!! Зэм, со туж ческыт!
Озьыен, 2004-тӥ арын 28-тӥ коньывуонэ Ижкарын усьтӥськиз Пельняньлы синпелет. Сылэ со  Краева ульчаын «Позимь» кафе вӧзын. Та проектлэн кылдытӥсез луэ Алексей Шкляев (авторез сярысь пыр-почгес).  Таӵе тунсыко синпелет адӟиське туж чебер, малпан кылдэ, кыӵе ке бадӟым ки  пельнянен вилка басьтӥз но ныж палэныз музъеме сое бышкалтӥз.
     Пельнянь зэмзэ но адӟиськымон: диаметрез луэ одӥг метр, нош ӝуждалаез -куинь метр. Калыкын ваньмызлы тодмо ӟуч кыл «пельмень», зэмзэ ке верано, кылдэмын со удмурт «пельнянь» кыллэсь, кудӥз валэктӥське «няньлэсь пель» шуыса.
     Проектлэн кылдытӥсез малпаз та синпелет луоз одӥгез памятник, кудӥз доры кыстӥськозы пӧртэм туристъёс, озьы ик пиналъёс но арлыдоос.
     Возьмаськом пельнянь сиыны кафее, озьы ик удмурт Пельнянь синпелетэн туспуктэм лэсьтыны!


Кытысь меда пельнянь лыктэм? 



Пельняньлэн кӧня историез сярысь...


Дуннеысь синпельметъёс:
Ижкарын интӥяськем Пельнянлы синпелет сярысь гожтӥм но юан кылдӥз: "Вань-а меда дунне вылын пельняньлы сӥзем синпельмет?". Оло милямез со уникальной!


Учке ай!!!




Таӵе синпелет Канадаын пуктэмын. Украинаысь имигрантъёс туж мӧзмо вылэм варенникъёссылэсь...